9. mars, 2023

Meistaragráðan í höfn og ég er búin að opna stofu.

Hverning líst þér á að losna við neikvæðar tilfinningar og vanlíðan?

Eftir tafir vegna Covid 19 er ég loksins útskrifuð sem RIM Master Facilitator, sá fyrsti og eini á Íslandi og er búin að opna stofu í Hlíðasmára 19, 2.hæð. Verið velkomin.

Við fáum öll krefjandi verkefni í lífinu og okkur gengur misvel að takast á við þau. Gleði og sorg eru systur, við komumst ekki hjá því að upplifa sorg og vanlíðan á lífsleiðinni. Stundum er nauðsynlegt að fá hjálp.

Mastersverkefnið, sem ég og Cathleen Elle gerðum saman, fjallaði um ávinninginn af því að nota RIM til að komast í gegnum sorgarferli.

Rannsóknin kannaði mismunandi áhrif tveggja sex vikna inngripa (tvö ólík námskeið) á konur á aldrinum 35-65 ára sem voru að upplifa mikla sorg eftir missi ástvinar á síðustu tveimur árum. Þáttakendum var skipt í tvo hópa, RIM annars vegar og lífsþjálfun/umbreytingaþjálfun hins vegar. Þáttakendur í báðum hópum höfðu svipuð áfallaeinkenni og svipaða sögu um skaðlega atburði í æsku.

Námskeiðin voru vikulega hjá báðum hópum, 1 klst. í senn. Lífsþjálfunin/umbreytingaþjálfunin lagði áherslu á færni eins og að taka fulla ábyrgð og að stíga meðvituð skref til að breyta lífinu í sorgarferlinu.
RIM hópurinn fókuseraði á tilfinningalega úrvinnslu í gegnum umbreytingu á minningum og merkingu varðandi missinn.

Við settum fram þá tilgátu að það mundi draga meira úr vanlíðan sem fylgir því að lifa með djúpri sorg hjá þáttakendunum í RIM hópnum.

Eigindleg greining á athugasemdum eftir námskeiðin leiddi í ljós að þó að báðum hópum hafi fundist íhlutunin (námskeiðin) hjálpleg voru sértækar niðurstöður mismunandi: Árangurinn sem lífsþjálfunarhópurinn upplifði og lagði áherslu á var meiri sjálfsviðurkenning, sjálfsstjórn og betri samskipti við aðra en árangurinn sem RIM hópurinn upplifði og lagði áherslu á var meðal annars að upplifa tilfinningalega heilun, samþykki á sorgarferlinu, meiri endurtengingu við aðra og aukna sjálfsvitund.

Þátttakendur í báðum hópar upplifðu jákvæðar breytingar en á ólíkan hátt eins og kemur t.d. fram í svörum við spurningunni „Hvernig hefur þetta ferli breytt lífi þínu?“ Þáttakendur í lífsþjálfunarhópnum töluðu um „nýja innsýn varðandi leiðir til að gera breytingar“ á meðan þáttakendur í RIM hópnum svöruðu „ný innsýn á leiðir til að upplifa tilfinningar/vera.“ Báðar breytingarnar eru augljóslega jákvæðar.

Lífsþjálfunarhópurinn lýsti því að hafa betri stjórn – á tilfinningum, gjörðum og framtíðarplönum. Niðurstöður RIM hópsins voru sterkari sjálfsmynd – að líða betur með sjálfa sig, betri tilfinningaleg líðan og það sem er mikilvægast – „að vilja halda áfram að lifa“.

Báðir hóparnir upplifðu jákvæðar breytingar sem voru í samræmi við áherslur og innihald námskeiðanna. RIM hópurinn upplifði létti, það dró úr sumum af sársaukafyllstu tilfinningum sem maðurinn upplifir – skömm, sjálfsásökunum, að finnast maður einskis virði og sektarkennd. Báðir hóparnir upplifðu minni kvíða, sem er önnur erfið tilfinning sem varir oft lengi.

Ennfremur upplifðu þátttakendur í lífsþjálfunarhópnum betra tilfinningalegt jafnvægi (ekki jafn miklar tilfinningasveiflur) auk þess að finna færri tilfinningar tengdar þunglyndi og því að tengjast ekki ástvinum.

Þessar ólíku niðurstöður benda til þess að RIM sé ákjósanlegri kostur til þess að græða erfiðustu og sársaukafyllstu tilfinningarnar á meðan lífsþjálfun er gagnleg til að bæta almennt ástand.

Hér er slóðin á Mastersverkefnið:
The Benefits of RIM for Moving Through Grief

Þess má geta að ég nota báðar aðferðir eftir þörfum hvers og eins.

Hvað er RIM?
RIM (Regenerating Images in Memory) er aðferð til að endurmynda minningar í minni, losa fastar, neikvæðar tilfinningar, minningar og vanlíðan sem hafa hindrað þig í að ná árangri, jafnvel án þess að þú hafir áttað þig á því.

Skortir þig sjálfstraust?
Hefurðu orðið fyrir áfalli?
Ertu að upplifa sorg efti missi, skilnað, veikindi eða annað?
Er hræðsla að stoppa þig?
Ertu að fresta hlutum en veist ekki af hverju?
Viltu læra að ná stjórn á tilfinningum þínum?
Vantar þig aðstoð við að takast á við tilveruna, ná stjórn á henni og skipuleggja framhaldið?

Þá mæli ég með RIM, það er nauðsynlegt að byrja á byrjuninni.
Það getur tekið einn tíma, hugsanlega fleiri, við finnum út úr því saman.

Námið

Ég byrjaði í RIM náminu hjá Dr. Deborah Sandella við the RIM Institute árið 2018, strax eftir að ég útskrifaðist frá Jack Canfield sem Success Principles Trainer og Canfield Methodology Trainer en ég er eini íslendingurinn sem hefir lokið námi hjá Jack Canfield.

Jack Canfield er þekktasti lífs- og velgengnisþjálfi í Ameríku. Hann er margverðlaunaður rithöfundur, hvatningarræðumaður, fyrirtækjaþjálfari og frumkvöðull. Hann er meðhöfundur “Chicken Soup for the Soul” bókaseríunnar sem inniheldur yfir 250 titla og hefur selst í yfir 500 milljónum eintaka á 40 tungumálum. Árið 2005 skrifaði hann bókina “The Success Principles, How to Get from Where You Are to Where You Want to Be” ásamt Janet Switzer.

Success Principle eða árangursregla nr.1 er „Taktu 100% ábyrgð á þínu lífi“, það er gunnurinn sem allt byggir á. Ertu með það á hreinu hvað þú átt að vera að gera í lífinu? Veistu hvað þú vilt? Er hræðslan að stoppa þig? Framkvæmirðu ekki það sem þig langar til að gera? Finnst þér óþægilegt að biðja um aðstoð eða spurja? Seturðu þér markmið? Á hvaða leið ertu?

Sjáðu fyrir þér breytinguna á lífi þínu, hvernig tilfinningin er þegar þú hefur:

Ákveðið að taka 100% ábyrgð á þínu lífi.
Fengið skýra mynd af tilgangi þínum og ástríðu. Hvað hefur þig alltaf langað til að gera?
Fengið aukið sjálfstraust til þess að hámarka vellíðan og árangur og ánægju í lífi og starfi.
Hætt að láta tilfinningarnar stjórna þér (oft án þess að þú áttir þig á því).
Losnað við hræðslu, framkvæmir, getur sagt nei, gefst aldrei upp.
Tileinkað þér nýja hugsun, nýjar daglegar venjur og nýtur þess að vera til.
Náð markmiðunum og áttað þig á að þú getur skapað þér það líf sem þig dreymir um.
Ert orðin besta útgáfan af þér.

Byrjum á innri hreingerningu, það er nauðsynlegt að byrja á því að horfa inn á við og losa sig við innri hindranir: neikvæðu tilfinningarnar, minningarnar og hvað sem það er sem er að stoppa þig af og valda vanlíðan.

Í framhaldi af því rétti ég þér verkfæri til að komast þaðan sem þú ert þangað sem þú vilt vera, já, alla leið þangað sem þú getur farið, af því að það sem þú getur látið þig dreyma um geturðu framkvæmt. Á hvaða leið ertu?

Er ekki kominn tími á að losna við þessa vanlíðan?

Smelltu hér ef þú vilt panta tíma

Tíminn getur líka farið fram á netinu, þannig að það skiptir ekki máli hvort þú ert í Reykjavík, úti á landi eða í útlöndum. RIM er jafn áhrifaríkt hvort sem þú ert á stofunni hjá mér eða heima hjá þér, í tölvunni eða símanum.

26. maí, 2020

Hvernig líður þér í dag?

„Hæ, hæ, hvernig líður þér í dag“ syngur Stefán Hilmarsson á plötu Rafns Jónssonar, „Ef ég hefði vængi“. Þetta lag kom upp í hugann í dag, það kallar alltaf fram hlýjar tilfinningar og um leið söknuð og minningar um góðan vin sem kvaddi allt of snemma.

Tónlistin kallar fram tilfinningar án þess að við hugsum um það. Tónlistin er græðandi. Tilfinningar eiga sér sjálfstætt líf, þær koma og fara, stundum líður okkur vel og stundum illa. Stundum hellast yfir okkur alls konar tilfinningar í einu án þess að við séum að hugsa um það.

Núna, á tímum Covid 19, þegar náttúran hefur stoppað okkur af, hefur óvissan kallað fram alls konar tilfinningar og líðan. Við erum í aðstöðu sem engan óraði fyrir, ósýnileg veira hefur sett allan heiminn úr skorðum.

Þannig virka tilfinningarnar, þær eru ósýnilegar og koma og fara án þess að spurja um leyfi. Þær stjórna líðan okkar og hegðun, oft án þess að við gerum okkur grein fyrir því.

Covid 19 hefur valdið áhyggjum, kvíða, hræðslu, óöryggi, þunglyndi, vanmætti og alls konar vanlíðan en um leið gleði, þakklæti, væntumþykju og jákvæðum tilfinningum, samtöðu og samúð. Okkur getur nefnilega liðið bæði vel og illa í einu.

Þetta er sennilega stærsti tilfinningarússíbani sem við höfum farið í. Og við keyptum okkur ekki einu sinni miða! En við getum, líkt og með Covid 19, náð stjórn á tilfinningunum. Við höfum innri úrræði, tilfinningalegt stýrikerfi sem við þurfum að kveikja á og læra á. Þá líður okkur betur.

Hversu tengd(ur) ertu tilfinningum þínum á skalanum 0 – 10 ?
(ef 0 er ótengd(ur) og 10 fullkomlega tengd(ur)). Hvaða tala kemur upp í hugann um leið og þú lokar augunum? Hvað skynjarðu þegar þú lokar augunum og beinir athyglinni inn á við?

Líkaminn er alltaf að senda okkur skilaboð en það er oft á tali hjá okkur, það er svo mikið að gera og við höldum bara áfram án þess að hlusta. Við forðumst neikvæðar tilfinningar, þær eru óþægilegar og við lokum þær inni. Þá safnast þær upp í líkamanum, það er eins og að stífla á, við fáum líkamleg einkenni og á endanum veikjumst við eða „keyrum á vegg“.

Við getum losað allar fastar tilfinningar, leyst upp neikvæðar tilfinningar, hugsanir og minningar og dýpkað jákvæðar tilfinningar. Hvernig getum við breytt líðaninni.

Með RIM, Regenerating Images in Memory eða að endurmynda minningar í minni. RIM er líkamsmiðuð umbreytingartækni sem notar úrræði sem eru til staðar í huga okkar og líkama til að losa fljótt og auðveldlega fastar neikvæðar tilfinningalegar minningar og endurmynda þær í jákvæðar.

RIM aðferðin byggir á taugavísindum og gerir þér kleift að búa til nýja tilfinningu í taugakerfinu á djúpstæðan hátt. Niðurstöður taugavísinda styðja virkni RIM með því að útskýra að heili og taugakerfi séu breytanleg.

Hér er góð útskýring á því af hverju RIM virkar

Rannsóknir sýna að RIM dregur verulega úr einkennum streitutengdra veikinda og eykur lífsgæðin (Boxwell Dissertation, Holos University, 2004).

Hvernig líður þér í dag?

Hefurðu einhvern tíma staðið þig að því að velta fyrir þér “Hvað er að mér”? “Af hverju finnst mér ég alltaf ekki nógu góð(ur)?” “Af hverju get ég ekki breytt þessari hugsun? “ “Af hverju heldur þessi hugsun um að ég sé ömurleg(ur) áfram að koma upp í hugann?” “Verður lífið ekki betra en þetta?” “Af hverju get ég ekki stjórnað tilfinningunum?” „Hvernig losna ég við kvíðann?“ „Af hverju fresta ég öllu?“

Hvaða líðan viltu breyta?

Þú getur stjórnað tilfinningunum. Þú getur breytt líðaninni og lífi þínu.

Þú getur lesið meira um RIM og pantað tíma á heimasíðunni minni, www.evaalberts.is

13. maí, 2020

Lífið breyttist á einni nóttu

Lífið er ekki alltaf auðvelt, í Vikunni segi ég frá erfiðri baráttu við heilbrigðiskerfið sem brást syni mínum og allri fjölskyldunni gjörsamlega.

Í þriggja ára baráttu við fordóma heilbrigðiskerfisins

Ástæðan fyrir því að ég segi mína sögu í Vikunni og í metsölubókinni Women Who Rise sem er nýkomin út og hefur að geyma reynslusögur 30 kvenna (sjá eldri bloggpóst), er að styrkja og hvetja alla sem eru í sömu sporum til að gefast ekki upp, halda áfram, finna leiðir, treysta innsæinu og taka fulla stjórn á sínu lífi.

Þó að ástandið virðist óyfirstíganlegt getur það leitt mann inn á nýjar brautir. Ég er lifandi sönnun þess. Mikilvægast er að ná stjórn á tilfinningunum og hugsunum, hugsa jákvætt og fram í tímann; hvernig get ég, hvað geri ég næst, við hvern get ég talað, hvert get ég farið o.s.frv.

Það er ekki auðvelt að fara á fætur hvern einasta dag og vita ekki hvort sonurinn sé enn á lífi, hvernig honum líði, hvort ég þurfi að fara með hann á bráðamóttökuna þar sem læknir neitar að gera nokkuð fyrir hann annað en að gefa honum 2 Parkodin og hringja á geðlækni. Hann er og hefur alltaf verið heill á geði og geðlæknir gat ekki aðstoðað í þessum hræðilegu verkjaköstum.

Að þurfa að berjast, krefjast þess að hann fengi aðstoð, horfa á hann engjast um í 2-3 klst. á bráðamóttökunni án þess að nokkur vilji væri til staðar til að gera neitt fyrr hann, oft fengum við að heyra frá læknum að það yrði ekkert gert fyrir hann. Martröð nær ekki einu sinni yfir það sem við gengum í gegnum. Öll fjölskyldan. 3 ár er langur tími og líðanin eftir því, stanslaus streita, hræðsla, kvíði, vanmáttur, endurupplifun á atburðum, sem endaði með áfallastreituröskum og það var bara eftir fyrsta árið!

Bestu þakkir til allra sem hafa haft samband eftir viðtalið á N4, það er mikilvægt að tala um þessa hluti og alveg ljóst að því miður eru margir sem hafa svipaða lífsreynslu, allt of margir. Fyrir ykkur sem hafið ekki séð viðtalið, það er á heimasíðunni minni, hér.

Í dag er sonur minn heilbrigður og ég búin að bæta við menntunina til að geta hjálpað fólki sem er að takast á við erfiða hluti í lífinu og þeim sem vilja breyta sínu lífi, setja sér ný markmið og verða besta útgáfan af sér.

Ég er eini RIM leiðbeinandinn á landinu og eini Canfield þjálfinn. RIM stendur fyrir Regenerating Images in Memory, að endurgera minningar í minni.

Við getum nefnilega leyst upp neikvæðar tilfinningar og aukið jákvæðu tilfinningarnar í líkamanum og við getum lært á meðfædda tilfinningalega stýrikerfið okkar. Og þegar við tileinkum okkur þær árangursreglur sem þarf til að ná þangað sem við viljum vera gengur lífið betur.

Reynsla mín í lífi og starfi og menntun mín nýtist einstaklega vel, ég er heilbrigðisstarfsmaður og hef unnið í áratugi við að aðstoða konur og fjölskyldur þeirra að takast á við erfiðleika tengda meðgöngu og fæðingu.

Nú aðstoða ég þá sem eru að takast á við erfið verkefni í lífinu og þá sem vilja ná árangri á hvaða sviði sem er, fara út fyrir þægindarammann, hámarka getu sína, fá meiri fókus, lífsfyllingu og gleði, geta talað fyrir framan fólk, breyta til. Lífsþjálfun, markþjálfun, árangursþjálfun og RIM.

Á heimasíðunni minni, evaalberts.is geturðu bókað tíma og fengið nánari upplýsingar.

7. maí, 2020

Women Who Rise komin út!

Dagurinn í dag er stór dagur fyrir mig, bókin WOMEN WHO RISE er komin út! Loksins! Bókin, sem er 6. bókin í bókaseríu Kate Butler, Inspired Impact Book Series, er fáanleg á Amazon í dag. Vegna Covid 19 sendir Amazon ekki til Íslands í augnablikinu en það er hægt að kaupa Kindle útgáfuna með því að smella á myndina hér fyrir neðan og hlaða henni niður strax.

Bókin inniheldur reynslusögur 30 kvenna, sögur af erfiðum atburðum og verkefnum í lífinu sem okkur tókst að yfirstíga, hvernig okkur tókst að RÍSA upp og hvernig lífið gjörbreyttist eftir það til hins betra.

Markmiðið er að styrkja og hvetja lesendur. Þetta hefur verið ótrúlega spennandi og skemmtilegt verkefni undanfarna mánuði, mikill lærdómur og heiður að kynnast öllum þessu sterku og einstöku konum. Ég vona að sagan mín hvetji og hjálpi þeim sem þurfa á því að halda.

Líf mitt tók nýja stefnu fyrir 5 árum, þið getið lesið allt um það í bókinni. Það leiddi mig á nýjar slóðir. Þess vegna er ég einn af höfundunum í þessari bók. Ekki hvarflaði það að mér árið 2015!

Ég útskrifaðist sem RIM leiðbeinandi í júlí 2019 og í dag er ég í mastersnámi við The RIM Institute. Ég er fyrsti og eini RIM leiðbeinandi á Íslandi og eini íslendingurinn sem er útskrifaður Canfield lífsþjálfi og í aðferðafræði Canfields. Þú getur lesið meira um RIM (að endurmynda minningar í minni) og Canfield þjálfunina á heimasíðunni.

Í dag hjálpa ég fólki að leysa upp neikvæðar hugsanir, tilfinningar og minningar, fara úr vanlíðan í vellíðan og í framhaldinu að ná tökum á tilverunni og tileinka sér þau lykilatriði sem þarf til að ná árangri. Að taka flugið og breyta lífinu til hins betra. Fyrst ég gat það geta allir það! Með RIM og árangursreglum Canfields.

Dagurinn í dag er helgaður bókinni Women Who Rise og nýju heimasíðunni sem fór í loftið í dag. Þar finnurðu allar upplýsingar og getur pantað tíma. Já, í dag er það WOMEN WHO RISE!